GIPILI isip Chairperson si Buenavista Mayor Dave Duallo samtang Vice Chairperson si Talibon Mayor Janet Garcia sa Danajon Bank Double Barrier Reef Marine Protected Area Network Management Council.
Ang Council Board Members mao sila si Mayor Fernando Estavilla (Pres. CPG), Mayor Roberto Cajes (Trinidad), Mayor William Jao (Tubigon), Mayor Constantino Reyes (Ubay), Mayor Eugene Ibarra (Clarin), Mayor Jono Jumamoy (Inabanga), Mayor Rene Borenaga (Bien Unido) ug Mayor Cary Camacho (Getafe).
Ang mga kongresista sa Bohol nga sila Cong. Edgar Chatto, Congw. Vanvan Aumentado ug Congw. Alexie Tutor lakip na si Gob. Aris Aumentado gipili usab isip mga advisers sa maong council.
Ang CENRO-Talibon maoy gipili isip secretariat samtang apil sa Technical Working Group ang Provincial Legal Office.
“Running the council will be a ‘challenging task’, especially in addressing the problems within the reef, such as illegal fishing, global climate change, depleting resources, and water pollution,” pamahayag pa ni Duallo.
“I am thankful to everyone in the Council for this effort in protecting the Danajon Double Barrier Reef. This is a huge mission we have to accomplish, but with all your help, through cooperation and willingness to protect our coastal resources, I am confident that we can save the reef,” dugang pa sa mayor.
Posible nga iapil sa Management Council ang Maribojoc, Loon ug Calape gumikan kay ang bag-ong mapa gikan sa PENRO nagpakita nga ang Barrier Reef niabot sa “Western Part” sa atong lalawigan.
Ang Danajon Bank ang nag-inusarang double barrier reef sa Pilipinas nga naa mahimutang sa “Northeast” sa Bohol. Usa kini sa 14 ka geological sites ubos sa Bohol Global Geopark. (Kahlil Lester O. Camba)
