NANAWAGAN karon ang Bureau of Fire Protection (BFP) sa lalawigan nga magbinantayon sa sobrang kainit sa panahon.
Matud pa sa BFP-Bohol nga gipangulohan ni Fire Superintendent Raul Bustaliño, angay bantayan gyod ang paghaling-haling kay basin unya moresulta kini sa bushfires.
Tungod sa sobrang kainit sa panahon mangamatay ang mga sagbot ug kung malabayan kini og agipo sa hinaling, ingon man sigarilyo posibleng hinungdan sa sunog.Lakip sa giawhag sa BFP mao ang pagbinantayon diha sulod sa mga panimalay labina sa pagamit og mga appliances.
Kinahanglan nga nangaibot ang mga gipangpansak sa dili pa mobiya sa panimalay tungod kay daghan ang insidente sa sunog nga nagsugod tungod niini.
Giingon sab sa BFP nga ipalayo ang mga butang nga daling mataptan sa kalayo sama sa pintal, floorwax ug uban pa.
Gipahimangnoan usab sa BFP ang katawhan nga magsige inom og tubig aron malikayan ang heatstroke. (RTB)
