SI Congresswoman Vanvan Aumentado mipasalamat sa mga Bol-anong nanimpalad sa Dubai, United Arabs Emirate (UAE) tungod sa pag-abi-abi sa naulahi nila ni Vanvan ug mga kauban sa panaw.
“Salamat kaayo ninyo tanan for ur time, gifts ug sa lami kaayo nga lunch hosted by The Catch Restaurant Owner, Nikki Ann Loquellano Nuñeza of Dauis, Bohol. Sa mga naa sa Dubai pls do visit The Catch resto located in Deira, Dubai for yummy seafoods ug samot pa ka lami kay gi boodle style,” matud ni Congw. Aumentado.
Siya midugang sa pagbutyag, “Makalipay sa dughan nga daghan tag mga kaigsoonang Bol-anon nga dia dire sa Dubai nakighimamat nato pinanguluhan ni Sir Nestor Odarve- President, United Boholanos in Emirates (UBE),” matud ni Congw. Aumentado sa iyang fb post gipadala ning tagsulat.
Kauban niya mao sila si UBE President Nestor Odarve from Mabini; Nikki Ann Nuñeza sa Dauis ug iyang bana, Michael sa Cebu; Stella Patac sa barangay Cabog, Clarin; Liza Marie sa Calape; Dr. Mariter Torres Bautista ug bana Doyee Bautista sa Inabanga; Amie Melecio sa Corella; Vicky Anggoy sa Balilihan; Joan Refamonte sa Antequera; Patrick Pizarras sa Cebu; Cedric sa Davao ug Rico Mondejar, kanhi Killer B Fm Cebu host. Si Mondejar nag-interview kanga Congw. Aumentado uban sa iyang kapikas, Gobernador Aris Aumentado.
Matud ni Congw Aumentado nga kulang ang ilang panahon ug nangayo’g dispensa kay kinahanglan na sila mobalik sa Pinas.
“Sorry sa ubang Boholanos nga wala na nato ikakita kay wala nagyud mi oras. Sa Bohol nalang ta mag kita kits pohon. Amping mga pinangga natong mga buotang igsoong Bol-anons. Nice meeting you all,” matud ni Congw. Aumentado.
Sila si Congw. Aumentado ug ang iyang bana, Gob. Aumentado, uban nil ani Congw. Alexie Tutor ug iyang kapikas, Vic-Mayor Toper Tutor, milawig ngadto sa Dubai aron sa pagtambong sa Arabian Tourism Mart ug mi-endorso sa Bohol, aron maagni ang mga Arabo sa pagsuroy sa Bohol. (rvo)
