Ni: Wilson Auguis Subrio
GIPANGUNAHAN ni Gobernador Aris Aumentado ang pagturn-over ngadto sa mga opisyales sa Barangay Poblacion II, Dakbayan sa Tagbilaran ang financial assistance gikan sa Kagamhanang Probinsyal nga nagkantidad og Php230,000 alang sa pagpalit og sound system nga magamit nila sa mga kalihukan sa maong komunidad.
Mao kini ang gipaambit ni Gob. Aumentado, Abril 27, sa iyang social media post.
Matud ni Gob. Aris, gikan sa iyang buhatan ang P150,000.00 ug P80,000.00 gikan sa Buhatan ni Bise Gobernador Dionisio Victor Balite.
“Nagapasalamat kita sa mga barangay officials, pinanguluhan ni Barangay Captain Allan Ricardo Real ug mga Sangguniang Barangay members, alang sa ilang mainitong pagdawat kanamo,” matud pa sa amahan sa probinsya.
