DILI makasinati og brownout ang Central Visayas nga moresulta sa pagkapawong sa supply sa elektrisidad niining panahon sa ting-init.
Si DOE-7 Regional Director Atty. Mark Gamallo nagkanayon nga bisan mosaka ang konsumo sa elektrisidad panahon sa ting-init apan dili kini problema.
Ang power grid sa rehiyon adunay 1,600 megawatts nga sobra pa kaayo sa panginahanglan sa elektrisidad tungod kay ang makonsumo sa rehiyon anaa lang sa 1,200 ngadto sa 1,400 megawatts.
Gitataw ni Gamallo nga ang gibatonang power supply ila’ng mapaniguro nga dili magkuwang ang kuryente.
Hinuon si Gamallo niingon nga sa higayon nga mahitabo ang pagkuwang sa supply sa power, ang Luzon grid mahimo makasulbad alang sa temporaryo nga pag-supply niini.
Dugang ni Gamallo nga ang kasamtangang pagsobra sa supply sa kuryente igo pa kaayo hangtud nga mahibalik sa normal ang konsumo human sa ting-init. (RTB)
