GIGASAHAN ang 7 ka mga People’s Organizations sa P4M kantidad sa mga Livelihood Grants nga gipangunahan ni Labor and Employment (LEO) Chief Maria Eloida Cantona.
P840,000.00 ang nadawat sa Samilca Irrigators Association Inc,Dagohoy. P998,248.00 alang sa Smile San Vicente Farmers Association (SSAVFA) samtang P499,782.00 sa Bato Womens Association Buenavista.
Ang Camarin Farmers Association (CAFA) Danao nakadawat sa P475,076.00, ang United PROHANCE Irrigators Association sa Pilar ug La Hacienda-katipunan Farmers Association Inc didto sa Alicia (P 1,499,930.00) samtang P499,978.00 sa Tricycle Drivers Association (ATDA) Albur.
Niabot sa P4,813,014.00 ang nahatag sa panudlanang Nasyonal ngadto sa mga naasoy nga kapunungan.
Gipahinumduman ni Gob. Aumentado ang mga nakadawat nga dili usikan ang kwarta sa gobyerno sanglit mga dagkong politico duna pa gani nangapriso gumikan sa mga kahiwiang gipanghimo.
Giawhag usab sa Chief LEO ug concurrent DOLE Provincial Director nga sundon ang mga proseso ilabi na sa pagsumiter sa mga insaktong liquidation human magasto ang maong mga hinabang. (Kahlil Lester O. Camba)
