“FAITH creates wonders.”
Mao kini ang tipik sa mensahe ni Metodio “John” Maraguinot Jr. atol sa unang YouthLead Dedication Ball nga gitambongan sa mga kadagkuan gikan sa Office of the Executive Secretary, National Anti-Poverty Commission ug Department of Education.
“It was a journey we started 12 years ago. It was an extremely tough undertaking; but the love and support of our leaders, members, families, friends, and partners made us persevere,” dugang pa ni Maraguinot.
Si Bise Gobernador Dionisio Victor A. Balite, Ph.D maoy nipahurar sa mga bag-ong napiling mga opisyales sa YouthLead Philippines.
Iyang giawhag usab ang mga mga kabataan nga manglimbasog gumikan kay naa sa henerasyon karon ang umaabot nga mga lideres sa katilingban.
“Wala jud ko nasayop nimo John,” pamahayag pa ni Gob. Aris Aumentado. Nagpasalamaton usab si 2nd district Congw. Vanvan Aumentado sa mga nahimo ni Maraguinot ilabi na sa Youth Empowerment.
Kahinumduman nga si Maraguinot nahimong “punching bag” sa mga kritiko nga namasin nga maguba ang maayo ug hugot nga pakig-alayon niya ngadto sa mga kasamtangang namunuan.
Pagkakaron, siya ang Supervising Administrative Officer sa Kagamhanang Probinsyal samtang Officer In-Charge usab sa Provincial Information and Media Office (PIMO). (Kahlil Lester O. Camba)
