NATUKOD na ang ika-133,134 ug 135 nga PABAHAY project ni Congw. Alexie Tutor nga iyang gihalad alang sa paglaum, gugma ug panaghiusa.
Ang mga benepisaryo mao sila Francesca Luengo sa Purok 4, San Vicente, Pilar, Edelberto Sabalit sa Datag,Dimiao ug Pearl Mae Tado sa Sierra Bullones.
Lakip usab sila Restetuto Lempetya sa Cayacay, Alicia ug Lindaa Beroy sa Sitio Labo, Boctol, Jagna.
Mao kini ang usa sa mga proyekto sa kongresista nga nagpadayon hangtud karon.
Mao kini resulta sa walay undang nga “immersion” ni Congw. Tutor sa iyang distrito arun masuta ang tinuod nga sitwasyon sa katawhan.
Sa mga nangaging adlaw, sige sa pagtambong ang kongresista sa Tersiero Distrito sa mga Women’s Month Celebration ilabi na ang dakong panagtapok nga gihimo didto sa Bohol Cultural Center.
“Empowered Women intimidates men,” pamahayag pa ni Congw. Tutor sa maong kalihokan. (Kahlil Lester O. Camba)
