GITUKI karon ang pagsuporta sa pagdeklarar nga protected landscarpe ug seascape ang marine, mangrove, foreshore areas, island ug islets sa 3 ka lungsod.
Kini naglakip sa Candijay, Mabini ug Anda.
Ang mga puntos nga natuki sa diskusyon uban nila Congw. Alexie Tutor ug DENR CENRO Talibon giingong ikonsulta pa sa mga kalungsoran nga naapil.
Ang 3 ka mga lungsod maoy nanguna sa mga tourist hubs sa Tersiero Distrito ug puros gipangulohan sa mga babayeng mga mayor.
Ang agrikultura ug turismo sa mga naasoy nga lungsod maoy usa sa ilang mga gisaligan sa ilang local income .
Sa maong lakang, kon madeklarar nga protected areas ang mga gipanghinganlan, mas mapundohan pa kini alang sa dugang kaugmaran. (Kahlil Lester O. Camba)
