Ni Wilson Auguis Subrio
GITAMBUNGAN ni Provincial Administrator Asteria Caberte kauban ang mga mayor sa kalungsuran sa Bohol ang Social Health Insurance Education Series(SHInES) nga gipangulohan sa Philippine Health Insurance Corporation (PhilHealth), kaniadtong Huwebes, Marso 30, sa Kapitolyo.
Kini ang gipaambit sa FB post sa Kagamhanang Probinsyal sa Bohol kaniadtong Biyernes, Marso 31.
Ang SHInES makatabang aron dali nga mapahibalo ngadto sa kabarangayan ang kabahin sa Universal Health Care pinaagi sa pagpasabot sa mga Local Chief Executives (LCEs).
Sumala ni PA Caberte, ang administrasyon mo-abante sa commitment bahin sa Social Health Fund RA 11223 kay nakita sa Kagamhanang Probinsyal nga makaayo kini sa mga kaigsoonang Bol-anon.
“PhilHealth’s SHInES is a nationwide information drive that started in 2012, targeting LCEs, and informing them on the role of local governance in implementing quality healthcare services to Filipinos, especially those living in rural areas,” pagpasabot sa FB post.
Ang SHInES dako og ikatabang aron mas mahimong epektibo ang Universal Health Care Act pinaagi sa pagpromote sa implemenstasyon niini sa mga rural health units sa probinsya.
Nitambong usab ang mga municipal helath officers ug mga representante sa mga LGUs.
