Ni: Wilson Auguis Subrio
Tulo (3) ka mga benepisyaryo nga taga-Carmen, Buenavista ug Loon ang makadawat sa tag P70,000 matag usa alang sa “Pabahay Program” sa Bohol Police Provincial Office (BPPO).
Kini ang gipahibalo ni Gobernador Aris Aumentado ug Segundo Distrito Kongresista Van-van Aumentado sa ilang tagsa-tagsa ka FB post kaniadtong Lunes ug Martes.
“Ang “Balay sa Gugma” ni Bishop Abet Uy ug “Pabahay Program” ni Cong Alexie Besas Tutor are something worth emulating or sa tagalog pa “Nararapat Tularan”, matud ni Kongresista Aumentado.
“Mao when I learned about the BPPO’s program headed by Provincial Director PCOL Lorenzo Batuan, sa way pagduha-duha Gov Aris Aumentado & I decided to commit to help. This is in line with the KASIMBAYANAN (Kapulisan, Simbahan at Pamayanan) Program of the PNP, a holistic approach not just in the fight of criminality but also in helping those who are in need,” dugang sa maong magbabalaod.
“Isip pagduyog sa inisyatibo sa Bohol Police Provincial Office (BBPO) na magtukod og pabahay alang sa mga nanginahanglan, ni-commit ako ug si Congresswoman Maria Vanessa Aumentado na musuporta sa maong lakang sa atong kapulisan,” suma ni Gob. Aumentado.
Matud nila ni Gob. Aris ug Kongresista Van-van, gikan sa ilang kaugalingong bulsa ang maong pundo nga P210,000.00 alang sa 3 ka mga benepisyaryo nga taga-Sitio Tagaonan, Poblacion Norte, Carmen, Bohol, Lapacan Sur, Buenavista, Bohol ug Campatod, Loon, Bohol.
Ang P70,000.00 sa matag benepisyaryo ipalit og materyales ug ang pagpatukod sa balay boluntaryuhan sa kapulisan ug katawhan.
Nipasabot usab ang duha ka lider nga ang BPPO maoy nipili sa 3 ka benepisyaryo subay sa ilang criteria.
Ang duha pulos nipasalamat sa serbisyo sa PNP Bohol aron magpabiling hapsay ug malinawon ang komunidad.
