Ni Wilson Auguis Subrio
ANG bag-ong inisyatiba nga gipunduhan sa Japan gikan sa Food and Agriculture Organization – Philippines gikatakda nga mo-implementar niini sa tulo ka mga probinsya, lakip ang Bohol, gipunting alang sa pagpabalik sa mga panginabuhian nga giguba sa Bagyong Odette ug pagpalig-on sa ‘climate resiliency’ sa mga komunidad.
Mao kini ang gipaambit sa FB post sa Kagamhanang Probinsyal kaniadtong Lunes, Marso 27.
Gitawag nga “Restoring Livelihoods and Enhancing Resilience of Farmers and Fisherfolks Affected by Typhoon”, ang maong proyekto, gipunduhan pinaagi sa donasyon gikan sa gobyerno sa Japan nga nagkantidad og US$1,872,911, mohimo og mga interbensyon aron makuha ang mga panginahanglan sa mga apektado ug ibalik ang mga tinubdan sa panginabuhian.
Ang FAO Philippines maoy facilitator sa maong proyekto, samtang ang tulo ka mga LGUs gikan sa Bohol maoy pilion isip mga resipiyente human sa makuting pagpili sa maong organisasyon.
Ang mga representante gikan sa FAO Philippines atol sa inisyal nga meeting mao sila si Ms. Gay Therese M. Bucol, Project Team Leader; Mr. Julian Macadamia, Provincial Field Coordinator; ug Mr. Godardo L. Juanich, Fisheries Specialist.
Sa laing bahin, si Atty. Filipina A. Piollo (Chief of Staff, Office of the Governor), Mr. Metodio “John” C. Maraguinot (Strategic Planning Officer), Ms. Mary Queen Atup (Head, Fisheries Division, Office of the Provincial Agriculturist), ug Ms. Gertrudes S. Fuentes (Head, Crops Division, OPA) nirepresentar sa Kagamhanang Probinsyal sa Bohol.
