NAGTIGUM sila Congw. Alexie Tutor uban ang mga kadagkuan sa DPWH-7 nga sila Dir. Ernesto Gregorio Jr. ug Asst. Reg’l Dir. Danny Villa.
Gituki ang P2B Flood Control project alang sa Loboc nga gibansagang — Tipik sa Langit.
Uban sa maong tigum sila Loboc Mayor Raymond Jala, Vice Mayor Helen C. Alaba, DPWH 3rd district Engr. Magiting Cruz ug uban pa.
Suma pa ni Congw. Alexie nga nahuman na og bidding ang maong proyekto ug ang DPWH-7 ang implementing agency niini.
Dugangan na lamang kini sa pundo sa 2024 Budget.
Kahinumduman nga kanunay nga suliran sa maong lungsod ang baha kon dunay mga bagyo.
Subay niini, nagbansay bansay na sila kon unsaon ang malungtarung solusyon sa maong suliran. (Kahlil Lester O. Camba)
