LAVan ug Kumbati!
Mao kini ang mensahe nila 2nd district Congw. Vanvan Aumentado ug 3rd district Congw. Alexie Tutor sa Tubignon beauty titlist nga si Pauline Cucharo-Amelinckx.
Si “Pau” mosalmot sa Miss Universe Philippines 2023 nga gilaomang mas mobandera pa sa kaanyag sa mga Bol-anon.
Kanhiay siya nangalagad sa Lokal nga Pangagamhanan sa Tubigon nga kasamtangang gipangulohan ni Mayor William Jao.
Usa ka Belgian national ang iyang amahan ug sayod ang kadaghanan sa iyang lungsod nga yano ang ilang pamuyo bisan pa sa mga kalamposang natagamtaman.
Niadtong 2020, nidaug siya isip 3rd runner up sa Miss Universe Philippines.
Sa Cebu Doctors University siya nahuman sa iyang pagtungha ug sa La Salle Academy siya alang sa iyang Basic studies.
Naila ning maong mga linya gikan sa iyang pamahayag, “It takes a village to crown a beauty queen.” (Kahlil Lester O. Camba)
