PATAY ang usa ka construction worker human natumbahan sa mixer truck nga nahitabo sa construction site sa gitukod karun nga Third Bridge nga nahimutang sa Brgy. Totolan, Dauis sa mga pasado alas 9:30 sa buntag kagahapon, Marso 25, 2023.
Gipaila ang namatay’ng construction worker nga si Elpedio Lupar y Lopase, 61 anyos, taga purok 6 brgy. Totolan, Dauis.
Gitaho ni Polie Staff Sergeant Renie Neneria sa Dauis police station nga ang biktima nag-guide sa mixer truck arun sa pagbuhos sa semento apan sa dihang paingon na mag-unload sa semento sa pag atras sa mixer aksidenteng milapas sa ngilit sa pangpang ang truck mao ng nawad-an kini sa balanse ug mitakilid hinungdan sa pagkatagak.
Suma pa ni Neneria nga ang mixir truck gipanag-iya sa WTG Construction and Development nga gimaneho ni Carlo Magno Deloy y Gatab, 43 anyos, taga brgy. Cancatac, Corella.
Patay dihadiha dayun sa hitaboan ang biktima samtang ang driver sa mixer anaa sa kustodiya sa kapolisan sa lungsod sa Dauis.
