MAS nilig-on pa ikompara kaniadto ang Disaster Risk Reduction Management sa Bohol suma pa sa kanhi CEO sa JICA ug karon CEO na sa Reaple, Inc nga si Sasaki Takahiro.
Kini human iyang nakahinabi ang hepe sa Provincial Disaster Risk Reduction Management Officer (PDRRMO) nga si Anthony Damalerio,Ph.D.
Dugang pa ni Takahiro nga “advanced” ug mas organisado na ang DRRM Bohol.
Bag-ohay lamang nibisita si Takahiro sa Command Center didto sa Camp Bernido kauban ang Chief Operations Officer nga si Kominami Minako, Spectee COO nga si Negoro Satoshi ug staff.
Ilang gipaila ang Spectee Pro nga usa ka Artificial Intelligence disaster ug crisis management solution nga suportado sa JICA.
Ang Spectee Pro, usa ka solusyon sa paglikay sa katalagman ug pagdumala sa peligro nga nagtugot sa dili dinali-dali inga desisyon; pinaagi sa dali ug tukma nga paglantaw sa kasayuran nga adunay kalabotan sa katalagman.
Namahayag si Provincial Administrator Aster Caberte nga posibleng maapil ang Small Medium Enterprises sa mga inistyatibo sa DRRM ug iyang giklaro ang importansya sa pagkolekta sa insaktong datus kon dunay kalamidad nga mahitabo.
Nakig-alayon usab ang maong kompanya sa Department of Trade and Industry alang sa usa ka seminar arun ilang mapaila ang feasibility project sa real -time crisis management system.
Si Damalerio kinsa namahayag nga ila nang ipresentar ngadto sa Konseho ang PDRRM sa umaabot nilang tigum. (Kahlil Lester O. Camba)
