KONPIRMADO nga moari sa Bohol karong Marso 2 si Macky Dela Rosa-Estoesta, ang Chief-of-Staff ni Sen. Ronald “Bato” Dela Rosa.
Alang kini sa AICS Payout nga pagahimuon didto sa Lungsod sa Duero kon diin 333 ka mga beneficiaries ang ma-grasyahan.
Kahinumduman nga sa mga nangaging mga pamahayag nga giluwatan ni Duero Mayor Al Taculad mapasalamaton siya sa Buhatan nila Sen. Bato Dela Rosa, Sen. Sherwin Gatchalian ug Sen. Bong Go nga sa kanunay matinabangon sa ilang lungsod.
Pipila lamang kini sa mga ayuda nga gipaningkamotan nga mahatag ngadto sa katawhan pinaagi sa Lokal nga Pangagamhanan sa Duero lakip na niini ang Educational Assistance ug uban pa.
Usa si Mayor Taculad sa mga mayores nga nitambong sa LMP National Assembly didto sa kaulohan. (Kahlil Lester O. Camba)
