Ni Wilson Auguis Subrio
NANGUNA si Gob. Aris Aumentado sa gihimong groundbreaking ceremony alang sa tukuron nga dairy processing plant ug product outlet (dairy box) sa Barangay Libertad, Tubigon sa niaging semana.
Sa maong adlaw ug lugar usab gihimo ang pag-apud-apod sa 16 ka dairy buffaloes (carabaos).
Ang Libertad Multipurpose Cooperative maoy benepisyaryo niini nga may pundo nga kapin P10 milyones ubos sa Coconut-Carabao Development Project.
Nagpasalamat si Gob. Aris ngadto ni Senador Cynthia Villar, sa Department of Agriculture, sa Philippine Carabao Center ug Philippine Coconut Center alang sa pagpaningkamot nga mapatuman ang maong programa.
Ang maong programa makatabang sa pagpalambo sa dairy industry sa lalawigang Bol-anon.
