PADAYON kitang gi-bully sa higanteng dragon nga mao ang China. Ang Taiwan mao usab ang una na nilang gibuhat. Dili nila gustong mahimong usa ka independenteng nasud.
Ang China sa lawom nga pagsabot, labaw pa’s mga kurakot nga politiko sa Pilipinas.
Lahi ang plano sa China. Unsa man diay ang ilang plano?
Matud sa propesiya sa Our Lady of Fatima, ang “ultimate goal” o dream sa China nga sakupon ang tibuok kalibutan.
Ug isip sakop sa Kristohanong banay, motuo ko niini. Kay nahitabo na ang unang mga panagna sa Our Lady of Fatima.
Maong dili na ikatingala nga naghawud-hawud sila sa Pilipinas ug ubang nasud nga ilang giila isip huyang o ubos nila.
Sa niaging semana, gitira sa US ang giingong ‘Chinese spy balloon’ nga naglupad-lupad ibabaw sa teritoryo sa America.
Unsa ba ang ana-a sa maong Chinese spy balloon?
Matud sa Google, “It had collection pod equipment, including high-tech equipment that could collect communications signals and other sensitive information, and solar panels located on the metal truss suspended below the balloon, according to government officials.”
Usa kini ka laing binuhatan kon nganong kahadlukan ang China ilabina sama sa Pilipinas.
Sa West Philippine Sea, daghang mga nataho nga mga ‘high-tech spy equipments’ nga nakuha sa ilawom sa atong kadagatan.
Kon eksperimento man sa ilang mga scientists o surveillance, angay kining hatagan og igong pagtagad sa atong gobyerno.
Sa mga agresibong gipangbuhat sa China sa nagkadaiyang mga nasud, dili ikapadaplin ang posibilidad nga mahitabo ang World War 3 nga giingon maoy motapos o moguba sa kalibutan.
Kay kon ako ang pasultihon, mas maayo nga molaylo ang Pilipinas sa higanteng dragon. Dili kasaligan ug maila sa ilang binuhatan.
Angay bantayan ilabina sa Amerika ang gipangbuhat sa China.
Atong timan-an nga ang kagaw nga COVID-19 giingong gikan sa Wuhan, China nga naghatag og dakong perwisyo ug kadaut sa panglawas sa katawhan sa tibuok kalibutan ilabina daghan ang mga nakabsan sa kinabuhi.
Daghang sekreto ang China nga angay kabalak-an sa tibuok kalibutan. Busa, mas maayo nga likayan ug pangandaman ang China.
Ang pagbutang nila og mga military facilities ug airstrips sa West Philippine Sea usa na ka ebidensya nga mabutang sa peligro ang Pilipinas ug dili layo sa posibilidad nga mahimo kitang “battle ground”.
Kon unsa pa may mga dautang plano sa China sa kalibutan, i-apil kini sa atong mga pag-ampo nga unta dili magmalampuson.
Kining lindog: ‘Tingog sa Kabatan-onan’, abli sa inyong mga sugyot ug komento. Mamahimo kana ninyong mapaabot pinaagi niining akong numero 09638753562 o sa Facebook ug Messenger account: Wilson Auguis Subrio.
Modawat lamang og seryoso ug dili binuang. Mag-amping kita, mga Bol-anon!
