SI Congw. Alexie B. Tutor midasig sa mga kapitan nga mitambong sa Liga ng mga Barangay (LnB) provincial annual Congress nga gihimo gahapon sukad niadtong Huwebes ug matapos karong adlawa sa Bohol Tropics Resort, Tagbilaran City, sa pagkugi alang sa kauswagan sa ilang mga tagi-barangay.
Si Tutor, usa sa mga mamumulong nga gidapit sa naasoyng congress ni ex-officio Board Member Dr. Romulo G. Cepedoza, president sa LnB-Bohol chapter, miluwat niining tambag tungod sa umaabot piliay sa mga barangay officials ug Sangguniang Kabataan (SK) sa Oktubre 2023.
Kinsa kaha ang mahibilin, pangutana sa Kongresista ngadto sa mga kapitan.
Ang pagkumbati sa kakugi mao’y usa sa mga sumbanan nga ang opisyal sa barangay pillion o sublian. Apan, ang mapakyas sa pagkugi sa gimbuhaton isip barangay opisyal mao’y ibato sa mga kaatbang, mensahe ni Tutor nagkanayon.
Sa iyang kabahin, si Tutor naganayon nga mikayod usab siya isip representante sa 3rd district sa Bohol.
Iyang gitaho sa media/press nga na-approve ang upat ka proposed House Bills sap ag-establisar sa Professional Reguatory commission service centers. Si Tutor mao ang chairperson sa Civil Service Committee sa House of Represenetatives.
Dugang niini, si Tutor naglaraw nga magpatawag sa tigum sa iyang komitiba aron maplantsa ang mga proposals alang niini.
Si Tutor uban sa mga guests sa naasoyng LnB provincial congress, naglakip nila ni Tagbilaran City Mayor Jance Cajes-Yap, DILG provincial director Jerome Gonzales, Board members Greg Jala, Atty. Benjie Arcamo, Aldner Damalerio ug Atty. Abel Damalerio, nga nag-representar ni Cong. Edgardo Chatto.
