NAHIMONG overall champion ang LGU-Valencia sa bag-o lamang natapos nga 22ND UBI Festival niadtong Lunes didto sa karaang airport ning atong dakbayan.
Kini gumikan kay sila man ang “most numbered entry ug awards”.
Sila ang 1st placer isip Most Participative LGU sa Pinaka Contest (Binanag Variety) ug (Kabus-ok Variety) samtang 2nd placer sa Motorcade Contest ug Best Booth (4th place).
Si Shiela Balatero ang nidaug isip Outstanding Highest Yielder in Hybrid Rice Farmer, si Glenda Autida ang mananaug isip 3rd placer sa OPM Singing Contest-Female category ug 8th place sa maong contest sa Male Category si Carlos Miguel Palaca.
3rd place sa Balak Contest si Arsenio Lagare, 2nd place si Dhanica Faith Dodolia sa Jingle Contest samtang sila James Amba ug Arcadia Gaspar ang nidaug isip 1st placer sa Clasical Kuradang Contest.
Gipangunayan ni Miss Valencia 2023 Antonette Tagud uban ni Valencia Mayor Dionisio Neil Balite ang pagtambong sa opening ceremony sa maong festival. (Kahlil Lester O. Camba)
