PABOR ang RICHLI Corporation nga mopataliwa ang simbahan nga gipangalagaran ni Bishop Alberto “Abet” S. Uy.
Mismo si RICHLI Chairman of the Board Richard Lim ang niluwat sa ilang pamahayag sa presscon nga gipahigayon kagahapon.
Mahitungod kini sa issue nila batok sa LGU Balilihan nga kasamtangang gidumala ni Mayor Pureza V. Chatto nga kapikas sa kinabuhi ni 1st district Cong. Edgar Chatto.
Kahinumduman nga una nang nipahigayon usab sa ilang presscon sila Cong. Edgar ug Balilihan Mayor Pureza Chatto.
Niadtong Hulyo 2021 dunay ” Amicable meeting” nga gisalmotan ni Mayor Pureza Chatto ug RICHLI Chairman Richard Lim.
Gumikan sa hulga sa COVID-19 ,pinaagi sa Zoom lamang siya. Lakip sa mga nanambong ang mga kadagkoan sa RICHLI , LGU-Balilihan , mga opisyal sa DPWH ug mga sakop sa media.
Subay sa maayong pamatasan suma pa , nangayo og pasaylo si Ralph Lim sa LGU gumikan sa wala pagpahibalo sa mga plano sa maong korporasyon .
Dugang pa nila , dili man kini rekisitos alang sa Water Permit Application ( WPA) .
Wala gikalipay ni Lim ang matud pa, ” pag sermon” sa mayor ngadto sa mga sakop niya sa RICHLI.
Gisuportahan kini sa pamahayag sa ilang abogado nga si Atty. Aceron nga Kon dunay pangutana Sila sa mga legalidad, dili kadto Ang saktong forum arun sa pagpakita sa mga dokumento.
Dugang pa ni Lim , abli siya kon dunay higayon nga magkinahanglan ang Balilihan sa kaugmaran sa ilang panubig sanglit mao usab kini ang ilang tumong nga makahatag sa hinlo ug “potable water” ngadto sa mga Bol-anon. (Kahlil Lester O. Camba)
