NAGHATAG ang Department of Agriculture (DA) sa Bohol sa mga lokal nga mag-uuma sa labing bag-o nga teknolohiya sa pagpadako sa cacao aron magiyahan padulong sa taas nga kita, sumala sa Bol-anong assistant secretary sa DA Visayas, Atty. Salvador D. Diputado.
Sumala ni Asec. Diputado nga sa pagsuporta sa Plant, Plant, Plant Program (4Ps), ang Departamento sa Agrikultura naghatag sa mga cacao farmers sa mga kalungsuran sa Bohol og usa ka package nga seminar sa teknolohiya sa pagpanguma og cacao.
Gipasabot sa opisyal nga ang pakete sa teknolohiya gilaraw aron matabangan ang mga mag-uuma og cacao nga makaangkon sa kinaadman ug kahanas sa pagtanum og cacao ug matabangan sila nga mapaayo ang ilang panginabuhian.
Dugang ni Diputado nga ang teknolohiya naglakip sa cultural management, best cacao farming practices, ug costs and returns sa pag-uma og cacao. (RTB)
