MUKABAT sa P4.7 billion ang total damage sa agrikultura sa Bohol human sa paglampornas sa bagyong Odette.
Kini matod ni Provincial Agriculturist-OIC Dr. Larry Pamugas atol sa labing ulahing press conference sa kapitolyo.
Matod ni Pamugas nga apil na niini ang livestock, crops, fisheries ug agri-infra.
Gibutyag ni Pamugas nga dunay initial nga suporta ang Department of Agriculture nga P112 million nga alang sa mga planting materials ug ubang panginahanglanon sa mga mag-uuma.
Dugang ni Pamugas nga human sa pagpahiluna sa initial nga pundo dunay laing quick response fund nga P120 million ang i-release na usab sa DA.
Kini gawas pa sa P70 million nga emergency fund gikan sa provincial government. (RTB)
