Mas gipalapdan pa sa Lungsod sa Batuan ang gira batok ginadiling drugas human nipahigayon sa “surprise Drug Test” alang sa 150 ka mga tanod sa 15 ka barangay.
Gihimo kini atol sa Barangay Tanod training didto sa Municipal Gym nga gipangunahan sa Batuan MHO.
Dunay gipanday nga Anti-illegal drugs program ang SB Batuan nga gipangulohan ni Bise Mayor Zenaida Bulalaque.
Ang maong ordinansa i-implementar kon mahuman na kini sa pag-review sa Sangguniang Panlalawigan.
Niluwat usab sa Executive Order si Mayor Atty. Antonino “Dodo” Jumawid.
Sa maong EO sa mayor giumol ang Drug Free Batuan Action Team ( DFBAT).
Ang ordinansa ug ang E.O nag-mandate sa tanang opisyal sa gobyerno; appointed man o elected sa Batuan lakip na ang mga gi-detail o na-assign sa maong lungsod nga mopaubos sa random drug testing.
Apil usab niini ang mga mosalmot sa mga government-sponsored competitions. (Kahlil Lester O. Camba)
