USA ka sea cow kon “dugong” ang napalgang patay sa kadagatan sa Baclayon niadtong Martes sa udto.
Si Baclayon Mayor Alvin Uy niingon nga ang patayng lawas nadiskubrehan sa usa ka mananagat sa Baluarte sa Barangay Poblacion mga alas 12:00 sa udto.
Wala pa matino sa mga otoridad ang hinungdan sa kamatayon sa sea cow nga 2.79 metros ang gitas-on ug gibanabana nga motimbang og 300 kilos.
Sigon ni Uy, wala pay makita nga mga sea cows sa Baclayon nga apil sa marine biodiversity.
Ang lokal ug langyaw nga mga turista parehas nga kanunay nga moadto sa kadagatan sa lungsod alang sa mga kalihokan sa pagtan-aw sa balyena ug dolphin.
Samtang nasubo si Uy sa pagkamatay sa dugong ug siya miingon nga maayo ang ilang dagat kay aduna may ingon niini nga nakaplagan. (RTB)
