MAY bag-o nang pangulo ang Provincial Information and Media Office (PIMO). Si John Maraguinot maoy gitudlo nga mangulo sa media bureau sa Kapitolyo nga mopuli kang Elma Teruel kinsa hatagan og bag-ong assignment.
Samtang, hatagan sab og bag-ong assignment si Ric Obedencio sa Capitol media bureau nga magbase sa Sangguniang Panlalawigan. Sila si Teruel ug Obedencio konektado gihapon sa Prov’l Information and Media Office.
Ang pahibalo gihimo ni Provincial Administrator Aster Caberte kinsa mikatawa lang sa mga taho nga nikatap sa social media nga sila si Teruel ug Obedencio ni-resign sa Kapitolyo.
Si Caberte niingon nga ang duha aduna nay bag-ong kontrata sa higayon nga mahatagan na ang ilang bag-ong assignment.
Ang provincial administrator nagkanayon nga kini kabahin sa on-going review ug assessment sa mga job orders ug positions sa tibuok provincial governance.
Samtang gipahibalo usab ni Caberte ang pagluwat ni Dr. Kit Oppus isip deputy chief of staff sa buhatan sa gobernador. “Personal nga rason” ang gitumbok ni Oppus sa iyang pagluwat sa katungdanan, matod ni Caberte. (RTB)
