NIPASIDAAN ang Philippine Atmospheric, Geophysical and Astronomical Services Administration (PAGASA) sa mas init nga panahon sa mga mosunod nga buwan tungod sa masinating epekto sa El Niño phenomenon.
Matud pa sa PAGASA, mahimong mas mo-grabe pa ang huwaw sa pagsulod sa ting-init karong tuiga kun itandi sa susamang panahon kaniadtong 2022.
Giingong posibleng mokabat sa 41.5 degrees celsius ang temperatura sa mga ubos nga lugar sa Luzon sa Mayo samtang gipaabot nga mosaka sa 39.3 degrees celsius sa Visayas sa Pebrero ug 39.5 degrees celsius sa Mindanao sa Marso.
Sa Metro Manila, mahimong mokabat sa 38 degrees celsius ang maximum temperature sa Abril samtang 38.6 degrees celsius sa Mayo. Nagpasabot kini nga halos hapit na moabot sa record high ang maximum temperature.
Matud sa weather company nga posibli gyud ang huwaw tungod kay below normal level ug alimoot ang temperatura sugod karong bulan sa Enero.
Tungod niini, gi-aghat sa PAGASA ang tanan nga pangandaman na ang epekto sa El Niño nga masinati sugod sa Pebrero taman Abril niining tuiga. (RTB)
