NAKA-FULL ALERT ang mga istasyon sa kapulisan sa tibook lalawigan sa Bohol, sumala ni Police Colonel Lorenzo Alfeche Batuan ang director sa Bohol Provincial Police Office,
Sigon ni Col. Batuan nga duna na siyay kamandoan sa 47-ka mga hepe sa istasyonan sa pulis apil na sa syudad sa Tagbilaran nga kinahanglang naka full-alert ang tanan.
Matud ni Clarito nga magpatrolya ang kapulisan sa mga simbahang Katoliko nga nagsugod na pagpahigayon og Misa-de-Gallo o Simbang Gabi sa nakalabay nga Disyembre 16, nga molungtad hangtud sa Disyembre 24 sa kadlawon, bisperas sa Pasko.
Dugang pa sa hepe sa Bohol PNP nga adunay mga patrol cars ang kapulisan sa tanang kalungsuran nga magbantay gawas sa mga simbahan.
Gidason ni Batuan nga di lang mga simbahan ang ilang gibantayan kon di lakip na ang paggara sa mga tigpayuhot og druga tungod sa daghang okasyon bisan niining panahon sa pandemya.
Hinuon, gipakusgan na sa kapulisan ang intelligence monitoring aron daling malit-ag ang mga mga badlungon sa katilingban lakip na ang kalihukan sa walhong pundok ilabi na nga magsaulog sila sa ilang ika-56 nga anibersaryo sa umaabot nga Disyembre 26, 2020. (RTB)
