ANG mga opisyal sa Kapitolyo nga nagtrabaho sa budgetary measures ipatawag karong semanaha sa Office of Governance, Accountability and Review (OGAR) nga gipangulohan ni kanhi Cabinet Secretary Leoncio “Jun” Evasco nga maoy nangulo sa probe team nga gimugna sa Aumentado administration.
Si kanhi City Mayor Dan Lim, usa sa mga sakop sa OGAR mitug-an nga duha ka sunodsunod nga tigum sa OGAR karong semanaha mag-imbitar nila ni Budget Officer Peter Retutal ug Provincial Treasurer Eustaquio Socorin aron mahatagan og katin-awan ang pipila sa nanguna nga impormasyon nga nagpakita sa dayag nga sayop nga paggamit sa mga pundo sa gobyerno.
Siya niingon nga ang OGAR nagsagop sa “hinay apan sigurado” nga paagi sa pagtigom og mga datos aron matukib ang giingong mga anomaliya sa panahon sa administrasyon ni kanhi Gobernador Art Yap.
“It’s like a jigsaw puzzle,” gihulagway ni Lim nga ang probe team nagsugod sa pagkonektar sa usa ka piraso sa impormasyon ngadto sa lain nga mahimong mosangpot sa tibuok hulagway sa usa ka orchestrated nga pag-usik-usik sa pundo sa gobyerno ubos sa daw “diktadurya” nga pagdumala sa Kapitolyo sa miaging administrasyon.
Kining mga ahensya nga may kalabotan sa badyet nga nagtrabaho pinaagi sa ilang mga hepe matinud-anong mopadayag sa probe body kung giunsa nga ipatuman lang ang gimando sa mga naa sa taas.
Mupagawas ang maong mga budget officers sa ilang impormasyon kalabot sa kalihukan sa mga pundo nga gi-orchestrate ug nga walay depekto sa pagpagawas sa minilyong pundo sa gobyerno.
Ang marathon hearing sa OGAR sa gipatawag nga budget officers maoy motultol sa finalization sa ilang findings nga ilang isumiter ngadto sa buhatan sa gobernador. (RTB)
