MOBALIK nasab og dawat ang Commission on Election (COMELEC) Bohol og mga tawo nga gusto nga magparehistro alang sa Barangay ug Sangguniang Kabataan (SK) sunod tuig.
Si Atty. Eliseo Lavaria, election registrar sa lalawigan nagkanayon nga subsob na ang ilang pagpangandam sugod ugma adlaw nga Lunes.
Nihangyo na sila sa mga LGU sa kalungsuran aron paggamit sa mga tent nga ipahiluna sa gawas nga bahin sa ilang mga satellite offices aron dili mahasol ang mga aplikante.
Gihangyo sab nila ang kapolisan nga mohatag og seguridad ug motabang sa pagpatunhay sa ilang pagpangrehistro.
Matud pa ni Lavaria nga aron sila makaparehistro og mga tinun-an nga nag edad og kinse anyos himuon nila ang satellite registration sa mga tunghaan sa umaabot.
Matapos ang pagparehistro sa Enero 31 sa sunod nga tuig. (RTB)
