ANG Corona Virus usa ra sa daghang mga virus nga nagdalag mga sakit gikan sa kahayupan sama sa diarrhea sa mga baka ug baboy, ug upper respiratory disease nga gikan sa mga manok. Sa tawo, ang virus kasagaran maoy hinungdan sa respiratory infections, usahay dili grabe, apan usahay sab makamatay.
Ang Corona Virus gikan sa mga hayop. Busa, og magsige kag kaon og karne sa hayop (dayag na lang, patay nga hayop, tungod kay mao man gayud kana ang karne, patay nga hayop) mas daku ang puruhan nga mataptan ka sa virus nga gikan sa kahayupan. Hinuon, aduna pay daghang laing hinungdan, sama sa kontak tali sa ubang tawo nga infected usab sa virus.
Mas maayo tingale kon karon pa lang ato nang sugdan pagtudlo ang atong kabataan (ug atong kaugalingon) pag-angay og kaon sa mga gulay, prutas, ug mga nuts nga maoy naandang kinaon sa atong Ginoong Hesu Kristo ug sa nagbunyag kaniya nga si John the Baptist. Maka-inspire tingale pud kanato, kon atong nganlan ang mga inilang ngalan sa mga modern-day vegetarians (mga sikat nga tawo nga dili mokaog karne, manok o bisan isda).
Ang mga modern day vegetarians naglakip kang Paul McCartney sa The Beatles, Ellen DeGeneres, Mike Tyson (ang kanhi heavy weight world boxing champion), Natalie Portman, Ariana Grande, tennis world champions Billie Jean King, Martina Navratilova, ug Serena Williams, 9-time Olympic gold medalist Carl Lewis, kanhi NBA players nga sila si Robert Parish ug Bill Walton, former US President Bill Clinton, ug daghan pang uban.
Ang mga local celebrities nga mga vegetarian usab naglakip nila ni Geneva Cruz, Yasmin Kurdi, Juliana Palermo, Raymond Bagatsing, Carlos Agassi, ug mga models nga sila si Isabel Roces ug Raya Mananquil. Si Geneva Cruz nahimong vegetarian sa edad nga 15 years old ug miawit sa mga OPM classics sama sa Kailan ug Paraiso isip myembro sa inilang youth singing group, Smokey Mountain, nga tinudloan ni National Artist for Music, Maestro Ryan Cayabyab.
