MIPASAKA sa kasong grave defamation ug libel kaniadtong Biyernes, Nobyembre 4, 2022 sila si Dauis Bise Mayor Miriam Sumaylo ug ang iyang bana batok na ni Mayor Roman Bullen, diin P66 milyones nga damyos-pwerwisyos ang gipangayu sa magtiayon tungod sa pagpakatap mayor nga sila “drug lords.”
Ang legal counsel sa magtiayon nga si Popot Marapao niingon nga ang mga reklamo ipasaka ngadto sa Office of the Ombudsman-Visayas sa Cebu City.
Si Miriam ug ang iyang bana nga si Josever managlahi nga mopasaka og mga reklamo alang sa grave oral defamation ug tulo ka ihap sa libel.
Indibidwal usab nga giakusahan sa magtiayon ang local chief executive og grave misconduct ug paglapas sa Republic Act 6713, o ang Code of Conduct and Ethical Standards for Public Officials and Employees.
Si Miriam nangayo og P40 milyones nga moral damages ug P4 milyones nga exemplary damages, samtang si Josever nangayo og P20 milyones ug P2 milyones nga moral ug exemplary damages, matag usa.
Ang mga Sumaylo gi-subscribe ubos sa pagpanumpa sa ilang complaint-affidavits atubangan ni Provincial Prosecutor Nilo Ahat, bisan pa ang mga kriminal ug administratibo nga mga reklamo ipasaka direkta sa Ombudsman.
Naggumiak ang mga reklamo batok kang Bullen sa iyang giingon nga pamahayag diin iyang gipasanginlan nga mga drug lord ang magtiayon atol sa iyang pagpamulong sa katawhan sa iyang ika-100 ka adlaw sa katungdanan.
Giingong gisubli usab ni Bullen ang mga pasangil sa estasyon sa radyo nga maoy hinungdan sa mga reklamong libelo.
Si Miriam ang kanhi mayor sa Dauis nga nakatapos sa iyang kataposang termino karong tuiga samtang si Josever nidagan pagka mayor batok kang Bullen niadtong Mayo 2022 nga eleksyon apan napildi. Pangulo usab sa Josever sa Association of Barangay Captains sa Dauis. (RTB)
