NAGPADAYON ang mga proyektong MMM sa Tersiero Distrito nga ubos sa pagdumala ni Congw. Alexie Tutor.
Proyekto MMM mao ang (Makita, Mahikap ug Mabatian) sama sa Turnover Ceremony sa Covered Court didto sa Cambigsi, Bilar.
Nagkantidad kini P5 Milyon samtang laing Covered Court usab sa Brgy. Zamora sa maong lungsod gihapon.
Walay hunong gihapon ang Pabahay Program nga nitatak na sa mga dughan sa katawhan. Ang katapusang nakadawat sa maong programa mao sila Enrique ug Erlinda Anub sa Cambigsi, Bilar.
Sa laing bahin, dunay mga recepients ang gikan pa sa Lungsod sa Anda ug Mabini.Sila mao si Cesar ug Jesusa Bernido sa Tawid, Anda ug sila Ronie ug Rosaline Vallejos.
“Usa ni sa mga rason nga fulfilling kaayo sa pamati tungod kay nakahatag ta ug dakong kalipay. Ug sa tanan pod nga nitabang sa atong mga benepisaryo, salamat sa inyong g ambag na grasya. Sa matag turnover nato sa balai bisan asa pa mong suoka, ako gyud mong adtoon. Kay sa tanan, ikaw gyud ang napili. Dunay plano ang Ginoo ug pasalamti cya”, suma pa ni Congw. Tutor.
Ang Lungsod sa Mabini nga gipangulohan ni Mayor Ongie Grace Lim nakadawat usab sa mga proyektong imprastraktura sama sa kantidad P3 Milyon nga Multi Purpose Building didto sa Brgy. Paraiso, Multi Purpose Building sa Brgy. San Isidro ( P5 Milyon ) ug Road Concreting sa Brgy. Aguipo ( P5 Milyon).(Kahlil Lester O. Camba)
