NASIKOP ang No. 1 most wanted nga taga sa Carlos P. Garia (CPG) nga gipasanginlang nanglugos sa iyang 11-anyos nga ig-agaw diin nadakpan kini sa kapulisan sa Caloocan City human sa tulo ka tuig nga pagtago-tago.
Ang mga operatiba sa kapolisan sa Bohol Anti-Kidnapping Group (AKG) uban sa mga lokal nga awtoridad misikop kang Jericho Calatos, lumad nga taga Barangay Lapinig, CPG samtang nagtrabaho kini sa usa ka trucking service duol sa Monumento Circle sa Caloocan karong bag-o.
Ang team leader sa AKG nga si Corporal Jayson Jamoner niingon nga usa ka opisyal sa barangay ang nipahibawo kanila sa nahimutangan sa suspek hinungdan nga ilang gihimo ang operasyon.
“Sukad 2019, didto na siya nagtago, pag-report niya sa biktima, nidiretso siya sa Manila sumala sa kapitan sa Lapinig, mao nga nangita mi og tawo nga maka-locate,” sigon ni Jamoner.
Si Calatos nag-atubang og usa ka ihap sa statutory rape ug gipangita sukad niadtong 2019.
Matod ni Jamoner, gilugos sa suspek ang biktima sa hilit nga kasagbutan sa Barangay Lapinig niadtong 2019.
Si Calatos temporaryong gitanggong sa AKG headquarters sa Camp Crame, Quezon City samtang nagpaabot sa pagluwat sa commitment order batok kaniya.
Dayon ibalhin siya sa Bohol District Jail samtang ipaubos sa husay alang sa non-bailable offense. (RTB)
