GIBUTYAG ni Bohol Gov. ug Regional Development Council-7 Chairman Aris Aumentado nga himuong prayoridad ang agrikultura sa Bohol ug ingon man sa tibuok Rehiyon 7.
Mao kini ang iyang mensahe sa 6th Regional Organic Agriculture Congress nga gihimo sa Reyna’s ning Dakbayan sa Tagbilaran.
Gikan pa si Gob. Aumentado sa Korea alang study mission kabahin sa mga bag-ong kalamboan sa agrikultura ug food security.
Dugang pa niya nga angay balansehon ang organic ug hybrid agriculture sanglit dili man ikalimod nga nagkadako na ang populasyon dinhi sa Bohol lakip na sa ubang dapit.
Dunay mga promotional efforts usab nga pagahimuon sa mga tourist hub sa Bohol alang sa dugang pagpasabot sa organic agriculture.
Ang maong kalihokan gisalmotan sa mga partisipante gikan sa Sugbo, Siquijor, Negros Oriental ug ang Bohol nga mainitong giabi-abi ni OIC Prov’l Agriculturist Larry Pamugas ug DA-Regional Exec. Dir. Joel Elumba.
Namahayag si RD Elumba nga mas luwas ang organic agriculture alang sa atong mga pamilya kon ikompara sa lain. (Kahlil Lester O. Camba)
