MAS palapdan pa ang paghatag sa dugang panginabuhian alang sa mga kababayenhan.
Kini suma kang Gov. Aris Aumentado sa iyang mensahe atol sa pagpang-apod-apod sa mga Livelihood Assistance sa mga Womens Association.
Nitambong usab sila Senior Board Member Tita V. Baja ug si PCL President BM Gloria Gementiza kinsa maoy SP Chairperson on Women and Family Welfare.
16 ka mga lungsod lakip na ang 1 ka dakbayan ang nisalmot sa maong kalihokan. Naglakip kini sa Albur, Balilihan, Carmen, Corella, Dauis, Guindulman, Loay, Lila, Mabini, Maribojoc, San Isidro, San Miguel, Sevilla, Sikatuna, Sierra Bullones, Talibon ug Dakbayan sa Tagbilaran.
Namahayag usab si Aumentado nga iyang awhagon ang mga kapungungan nga maghiusa sa pagduso sa mga project proposal ug ang labaw sa tanan ang implementasyon.
“Ang pag-uswag sa Bohol mag gikan sa katawhan. Ang among kusog mag gikan sa inyong suporta.”(Kahlil Lester O. Camba)
