GILUSAD niadtong Mierkoles didto sa Old City Airport ang ISDA program sa kagamhanang probinsyal nga dunay tahas nga mapaubsan ang presyo sa isda.
Mao kini ang produkto sa Task Force ISDA nga gipangunahan ni kanhi DA Regional Director ug karon Executive Assistant on Agriculture nga si Ric Oblena.
Mapalit sa 160/kilo ang isda nga burot-burot ug anduhaw nga usa ka “welcome development” sanglit nipaubos usab sa ilang mga presyo ang mga mamaligyaay sa mercado.
Giklaro ni Gov. Aris Aumentado nga dili sa kanunay magpareha ang presyo sanglit kasagaran nga makaapekto niini mao ang weather condition ug uban pang kakulian.
Nipadayag usab sa ilang makabungog nga suporta sa maong programa si 2nd district Congw. Vanvan Aumentado, ang buhatan ni Cong Edgar Chatto nga girepresentahan ni Atty. Abel Damalerio ug Katherine Inte sa buhatan ni Congw. Alexie Tutor.
Wala sipyata ang kalihokan ni DA ASec. Salvador Diputado nga usa sa mga nahimong taytayan gikan sa kagamhanan probinsyal ngadto sa sa nasudnong kagamhanan. (Kahlil Lester O. Camba)
