GIDAYEG ni 1st district Board Member “Nanay” Lucille Lagunay ang Debris Management Program nga gi-implementar sa Philippine Coconut Authority.
Kini naglakip sa Clearing sa mga totally-damaged trees ug Integrated Pest Management.
Suma pa ni Lagunay sa iyang privilege speech sa ilang session nga dunay dul-an 6.7M coconut plams nga naka-produce sa 280M nuts matag tuig. Ang presyo karon sa matag nut P10 ug moresulta kini sa P2.8 Bilyon.
Nikunhod kini og 47% gumikan sa Bagyong Odette nga niigo sa Bohol niadtong Disyembre 2021.
Nakahinabi usab ni Lagunay ang Regional Manager sa Philippine Coconut Authority ug nasuta nga ang maong buhatan nihatag sa support fund.
Alang kini sa clearing sa 992,000 totally damaged coconut trees; 841,550 niini ang gikan sa Bohol.
Pagkakaron, naa sa 16% lamang o 139,473 ang ilang na-trabaho gumikan sa limitadong manpower sulod sa 16 ka semana.
Namahayag si Lagunay nga posibleng dunay “rhino beetles outbreak” (bakukang) dinhi sa Bohol gumikan sa mga napasagdan nga nalata na nga punuan sa lubi.
Dugang pa niya , 40-92% ang production loss kon dunay outbreak.
Kahinumduman nga sa Palau niadtong 1942, nagka rhino bettles outbreak ug lisod nga mahitabo kini sa Bohol.
Giawhag usab ni BM Lagunay nga moabag ang mga LGUs sa Debris Management Program sa PCA. (Kahlil Lester O. Camba)
