HAPIT na mapalit sa Sangguiang Panlalawigan sa Bohol ang 14-ka mga bag-ong sakyanan nga ilang gamiton diha sa ilang pagpangalagad sa katawhan.
Kini usab ang gibutyag sa ikaduhang labing-taas nga opisyal sa Bohol kaniadtong Biyernes, Sept. 23 atol sa senemana nga Capitol Reports.
Sumala ni Bise-gobernador Victor Balite nga posibli sa katapusang semana sa buwan sa Oktobre o sa unang semana sa Nobyembre niining tuiga madeliber na kanila ang maong bag-o nga mga sakyanan.
Gipasabot ni Balite nga duha ka semana na ang milabay, walay laing miapil sa bidding kon dili ang Nissan Motors lang.
Nasayran nga 14-ka mga sakyanan nga Nissan Pro-4x ang paliton sa SP diin 13 niini alang sa mga Bokal ug usa sa buhatan ni Balite hulip sa daan na nila nga mga service.
Dugang sa bise-gobernador nga panahon na karon alang sa maong katuyuan tungod kay ang lalawigan sa Bohol luwas naman gikan sa krisis sa CoVid-19 pandemic human sa duha ka mga tuig. (RTB)
