NAPILI si Buenavista Mayor Dave Duallo isip bag-ong Provincial Chapter President sa League of the Municipalities of the Philippines (LMP) Bohol Chapter.
Siya maoy misunod kang kanhi Bohol LMP president ug karon Dauis Vice-Mayor Marietta Tocmo Sumaylo.
Samtang napili usab nga Provincial Chapter Executive Vice President si Pres. CPG Mayor Fernando ‘Eping’ Estavilla.
Si Mayor Duallo ug Mayor Estavilla mag-term sharing sa pagka Presidente sa LMP Bohol Chapter ug sila pulos kaalyado ni Governor Aris Aumentado nga nanumpa gilayon pagkagabie kauban ang tanang mga bag-ong LMP Officials.
Samtang napili usab nga mga provincial chapter vice-presidents sila si Cortes Mayor Lynn Iven Lim alang sa 1st district, Ubay Mayor Constantino Reyes sa 2nd district, ug Sevilla Mayor Juliet Dano sa 3rd district.
Si Mabini Mayor Ongie Grace Lim mao ang LMP Secretary General, Anda Mayor Angelina Simacio isip assistant secretary-general, San Isidro Mayor Atty. Diosdado Gementiza Jr. isip LMP Treasurer, Dimiao Mayor Randolf ‘King’ Ang isip asst. treasurer, ug San Miguel Mayor Ian Mendez nga napili isip LMP auditor.
Napili nga mga PRO sa unang distrito sila si Maribojoc Mayor Romulo Manuta ug Dauis Mayor Roman Bullen; sa Segundo distrito sila si Danao Mayor Jose Cepedoza ug Dagohoy Mayor Germinio Relampagos; ug sa ikatulong distrito sila si Garcia-Hernandez Mayor Jess Baja, Duero Mayor Al Taculad, ug Loboc Mayor Raymond Jala.
Samtang napili nga mga sakop sa BOD sa unang distrito sila si Baclayon Mayor Alvin Uy, Panglao Mayor Edgardo ‘Boy’ Arcay, ug Corella Mayor Manjo Lim; sa second district sila si Clarin Mayor Eugene Ibarra, Getafe Mayor Cary Boy Camacho, ug Sagbayan Mayor Restituto Suarez III; ug sa ikatulong distrito sila si Pilar Mayor Wilson Pajo, Valencia Mayor Engr. Dionisio Neil A. Balite, PhD, Bilar Mayor Norman Palacio, ug Loay Mayor Hilario Ayuban.
Nasayran ning pamantalaan nga walay niatbang nga kandidato sa mga nagpapiling opisyal sa LMP sa ilang election didto sa Henan Resort sa Panglao, Bohol kaniadtong Biyernes, Setyembre 2, 2022.
Gideklarar sila nga maoy nidaog sa election 2022 LMP Comelec nga gipangulohan ni Calape Mayor Atty. Julius Herrera sa Calape, Lila Mayor Atty. Arturo Jed Piollo ug Catigbian Mayor Elizabeth ‘Abeth’ Mandin-Pace. (RTB)
