GIBUTYAG ni Bise Gob. Dionisio Victor Balite atol sa pakighinabi sa media didto sa iyang buhatan nga hiyas ang mga Differently-abled Persons ug dili angay pasagdan.
Dugang pa niya nga makigtagbo siya ni Gob. Erico Aristotle Aumentado kon unsa may ikatabang nila sa maong sector.
Kahinumduman nga ni-courtesy call ang DEAF Society ngadto kang Acting Gov. Balite ug mismo ang bise gobernador mao ang nipahurar sa mga officers nila.
Ang mga officers sa DEAF Society mao sila Clint Louie S. Hontalba (Presidente), Arjune Mark T. Barrena (Bise Presidente), Jaycel Vitor (Secretary), Rafinzon Regi Doc (Treasurer), Preemie Mission (Auditor), Beverly Pizzaras, Argie Arbilera, Lorhen Joy Sumili, Justin Dave Castro, Jierah Bartido and German Labastida isip Board Members.
Dugang pa ni VG Balite, dako ang ikatabang sa maong sector ilabi na sa Information Techology sanglit kasagaran nila naa sa bag-ong henerasyon.
Ang Information Techology usa usab sa mga gihatagan pagtagad sa Kagamhanang Probinsyal ilabi na nga dili angay maulahi ang Bohol sa Digitalization. (Kahlil Lester O. Camba)
