GIKLARO ni Board Member Jiselle Rae “Jami” Aumentado-Villamor nga angay han-ayon ang Cultural Heritage Tourism sa Bohol.
Kini human nagtigum kagahapon sa unang higayon ang Committee on the Culture and Arts kon diin siya mao ang chairperson niini.
Nihatag sa ilang mga outputs ang mga haligi sa cultural heritage sa Bohol nga sila Lutgardo “Gardy” Labad nga usa ka Baclayanon, Emy Roslinda, Atty. Filipina Asoy-Piollo sa CCAD.
Si Asoy-Piollo ang kapikas sa kinabuhi ni Lila Mayor Atty. Jed Piollo.
Dugang pa ni BM Aumentado-Villamor nga angayan lamang nga iapil sa himoong Technical Working Group (TWG) ang LMP-Bohol.
Sa maong lakang, mahibaw ang mga kalungsuran kon asa dapita sila makatabang sa maong sector ug mas mapalig-on pa ang ilang grupo.
Sa maong Committee Meeting, maghinaot sila nga ang mga grupo nga naglihok sa maong sector dunay hiniusang lakang alang sa kaugamaran arun mas paspas ang pagpangita og pundo niini.
Mao usab kini ang pamahayag ni Labad nga lain-lain ang mga lihok sa mga grupo sa mga nangagi maoy hinungdan nga dunay mga kalihokan nga dili matabangan. (Kahlil Lester O. Camba)
