MAS palig-unon ug palapdan pa ang information dissemination sa Sangguniang Panlalawigan nga gipangulohan ni Bise Gob. Dionisio Victor A. Balite,Ph.D.
Kini human naaprobahan na ang resolusyon nga nagtugot sa Bise Gobernador nga makig-negotiate sa ngalan sa Sangguniang Panlalawigan ngadto sa broadcast ug print media.
Alang kini sa paghatag sa paspas ug tukmang mga impormasyon nga may kalabotan ang Buhatan sa Bise Gobernador ug ang SP.
Sa maong session, si Acting Vice Gov. Tita Baja kinsa maoy Senior Board Member ang ni-preside gumikan kay gipatawag man ngadto sa kaulohan si VG Balite.
Dunay daily radio program ang SP nga Sangguniang Panlalawigan in Action kon diin naka-schedule nga mohatag sa mga dugang kasayuran ang mga buhatan sa atong mga Board Members, Bise Gobernador, SP Secretary ug Provincial Library.
Ang mahimong anchors sa maong programa mao sila Junje Daguplo ug Kahlil Lester Camba.
Gilaoman nga mas maduol pa ang Sangguniang Panlalawigan ngadto sa dughan sa mga katawhan ilabi na sa suliran nga ilang giatubang. (Kahlil Lester O. Camba)
