GIPANGHINGUSGAN ni 3rd district Congw. Alexie Tutor nga mahiluna ang mga pundo alang sa Tersiero Distrito ug kon mahimo, madugangan pa kini.
Kahinumduman nga sa Ubos Balay Balauranan, nagpadayon ang pre-budget hearings sa mga nagkadaiyang mga ahensya.
Sa maong pre-budget hearing, nakauban ni Tutor ang iyang mga kapartido sa Nacionalista Party.
Matud pa ni Tutor nga magpadayun ang TUPAD Program sa DOLE sanglit ang “sustainable livelihood” man ang usa sa iyang mga gipakadak-an.
Dugang pa ni Tutor nga ang mga street lights duol sa Malinao Dam sa Pilar nga wala na nisiga, pang ayuhon.
Dili usab pasagdan ang mga tilapia growers, catfish growers ug mas palapdan pa ang backyard gardening.
Sa laing bahin, posibleng magkaproblema sa 2023 gumikan kay nikunhod man og 20B ang pundo alang sa AICS kon Assistance in Crisis Situation.
Giawhag ni Congw. Tutor nga mas maayo nga mosampit usab ang mga katawhan sa ilang LGU pinaagi sa MSWDO alang sa maong katuyuan. (Kahlil Lester O. Camba)
