KASAGARAN atong ilambigit ang atong panglawas sa science tungod kay ang mga bag-ong kaugmaran sa natad sa science adunay maayong epekto usab sa pagtambal sa nagkalain-laing balatian. Sama pananglitan sa tuberculosis kon TB, kaniadto gikahadlokan kini, apan karon dili na lisud ayohon, kay anaa nay tambal nga sayon paliton, o gani, libreng pangayoon gikan sa atong kagamhanan. atong kultura. Hunahunaa pananglitan ang gidaghanon sa mga biktima sa stroke dinhi sa ato matag panahon pista sa Mayo ug Septiembre diin nagbaha ang lechon ug humba halos kada adlaw. Ikatingala pa ba nato kung daghang ma-highblood nianang mga buwana?
Natural heart therapy. Alang sa sakit sa kasingkasing, aniay gipaambit sa mga kahigalaan pagbukas kuno sa mga kaugatan niini. Ipaambit nato kini sa kaparyentehan ug kahigalaan:
Alang sa pag-abri kuno sa mga Heart Veins: Isagul ang usa ka tasang Lemonsito juice, usa ka tasang Ginger (luy-a) juice, usa ka tasang Garlic (dinukduk nga ahos) juice, ug usa ka tasang Apple vinegar (mapalit sa labing duol nga mall grocery). Pabukali sa dili kusog nga kalayo sud sa traynta minutos. Kung maitos na kini ngadto sa tulo ka tasa, haona ug pabugnawa. Kung mabugnaw na, saguli og tulo ka tasang wild honey (natural nga dugos) ug isud sa botelya, dili sa plastic nga sudlanan. Mahimong i-refrigerate.
Sa imong pagpabukal, ayaw paggamit og alumminum ware. Enamel o sartin maoy gamita. Inum og usa ka kutsara sa imong hinimo sa dili pa mamahaw matag adlaw. Moabri kuno ang kaugatan sa imong kasingkasing ug hanoy ang pag-agi sa dugo. Sulayi lang, tutal natural man kini og way kontra.
Health Tip sa Bibliya. 2 Thessalonians 3:10: Those who do not work should not eat. Ang dili motrabaho, dili angayng mokaon. Sa unang basa naku ining bersikuloha nakaingon ko nga labihay pu’ng istriktoha sa Ginoo. Tiaw ba’y di ka pakan-on kon di ka motrabaho. Unsaon na man lang ang mga bakol ug mga paralitiko. Apan kon atong hinuktukan, tugob sa kaalam ang maong panultihon. Kay segun sa scientific research, 40% ra sa atong gikaon ang gikinahanglan sa atong lawas. Ang 60% niini usik lang, ug makadaut pa gayud sa lawas. Dayag na lang nga kung wa ka mogamit sa imong kusog o enerhiya ang pagkaon makadaut sa imong lawas. Ang resulta high cholesterol, hypertension, ug uban pa.
