MOTABANG ang Department of Trade and Industry (DTI) sa Department of Tourism pinaagi sa pagpahigayon og trainings sa mga micro, small, ug medium enterprises (MSMEs) sa industriya sa turismo aron mahimo silang malampusong magpapatigayon.
Kini human nga dunay niulbo nga kontrobersiya bahin sa matud pa overpricing sa seafood sa Virgin island dinhi sa Bohol nga niresulta karon sa pagpahunong sa operasyon sa maong dapit ug gibawalan ang mga lokal vendors nga makapaninda.
Bisan tuod og ‘isolated case’ lang kadto apan nagtuo ang DTI nga malikayan unta kadto nga hitabo kun dunay kahibalo sa pagnegosyo ubos sa turismo ang mga gustong maninda..
“With the whole-of-government approach, magtinabangay man gyud ta..DOT being a partner nato in the development, they also reached out to us kung unsay mahimo sa DTI,” matud pa ni DTI-VII’s Regional Director Maria Elena “Nanette” Arbon.
“Let’s be clear, from the beginning…there’s really no set price …kanang wala gyuy gi-establish na price sa kanag mag picnic ta or mag-cater ta. That’s a market-driven pricing,… But since this is a tourism concern…ang mag una gyud ani is and DOT and of course the LGU…where the issue cropped- up,” dugang pa ni Arbon.
Dili moapil og imbestigar ang DTI apan motabang kini sa mga gagmay nga negosyante aron mamahimo silang mas makamao sa ilang negosyo.
“Ang among mahimo ani is to help them, develop them to be better entrepreneurs…Ang ato ana maybe we can do entrepreneurial training,” puno pa niya.
Gusto sa DTI nga makat-onan sa mga gagmay nga naninda pinaagi sa turismo ang kasamtang sitwasyon aron mas makasabot sila ug mahatagan og ideya kun pila ang tukmang presyo sa ilang baligya, apil na niini ang tanang angayan nilang ikonsiderar.
“Tudluan silag price and costing, inter-play sa market…Sellers’ market or a buyers’ market. Sometimes, if it’s a seller’s market, dakog demand, for facility and service, maong musaka ang presyo kay the demand is great.. Bohol seller’s market gyud na siya, traffic of tourists, many, even over capacity compared sa capacity nila to serve the demand is there…Karon, nagkaprobelma man ta sa Covid for two years, then basin biya kaning atong mga enterpreneurs thinks the buyer’s market is back…-We suggest that we refresh atong mga MSMEs.,” dugang pagpasabo ni Arbon.
Sumala pa sab niya kinahanglang mahibawo kining mga vendors nga dili lang sila-sila ang nagkompetinsiya dinhi, duna say ubang mga lugar sa probinsya, sa tibuok nasud ug bisan ang ubang mga nasud nga nakig-ilog sab karon sa mga turistang dumuduong.
Importante nga nasayod sila niini aron mahibawo sila kun asa sila mopahiluna sa ilang kaugalingon diha sa industriya sa turismo. (RTB)
