SUPORTADO sa bag-ong bise-gobernador sa Bohol ang ebalwasyon sa sektor sa edukasyon aron masiguro nga ang mga estudyante nakakat-on gyud taliwala niining panahon sa pandemik.
Sumala ni Dr. Dionisio Victor A. Balite, Ph.D nga kinahanglan adunay limpyo nga panghuna-huna ang tanan kalabot sa sitwasyon karon, tungod kay posibling dili haum ang ‘targets’ pinasubay sa labor requirements tungod sa krisis.
Giingon ni bise-gobernador Balite nga daghang pag-antos ang moresulta kung ang kalidad sa edukasyon dili patas-an ug ang nahibaw-an sa mga mugradwar dili ipahaum sa mga kinahanglanon sa industriya.
Gipunting usab ni BG Balite ang mga isyu sa edukasyon kaniadtong imaging duha ka mga tuig nga nakababag sama sa connectivity, kakuwang sa mga materyal sa pagkat-on, ug mga panginahanglanon sa magtutudlo ug estudyante.
Suportado usab sa bise-gobernador ang pag-usab sa klase sa pagtudlo sa DepEd sa umaabot nga tuig tingtungha gikan sa ‘online-modular-distant learing’ ngadto na sa pagbalik sa face-to-face. (RTB)
