MAPASIGARBUHONG giladlad ni Duero Mayor Al Taculad ang mga aprubadong disenyo alang sa Duero Food Parks nga pagatukoron sa maong lungsod.
Kahinduman nga atol sa pakighinabi sa mga media kaniadto gibutyag sa mayor nga iyang ugmaron ang Food Tourism sa Duero nga makahatag ug dugang “economic growth”.
Dugang pa niini, panindoton usab ang Merkado Publiko nga himoong “by-phase” ang pagtrabaho niini.
Subay niini, dili hingkalimtan ang sector sa agrikultura alang sa lungsod nga gitawag nga The Town of Fruits, Veggies and Spices.
Ang mga Food Parks giingong ipaheluna duol sa Municipal Gym kon diin gahinan usab og pondo ang pagpanindot sa Balay Lungsod.
Mapasalamaton usab si Mayor Taculad sa Local Finance Committee ug sa Sangguniang Bayan nga gipangunahan ni Bise Mayor Hernes Bajao.
Si Mayor Taculad ug Bise Mayor Bajao puros naa pa sa ilang unang termino. (Kahlil Lester O. Camba)
