GILAOMANG mo-arangkada na ang Sangguniang Panlalawigan sa Bohol nga gipangulohan ni Bise Gob. Dionisio Victor A. Balite, Ph.D.
Kini human nga natawo na ang bag-ong mayoriya sa Hunta Probinsyal.
Ang maong session niadtong Martes maoy unang paglingkod ni PCL President, BM Gloria Biwang-Gementiza isip ex-officio member ug nitapon na sa bag-ong mayorya si Liga ng mga Barangay Pres. ug BM Romulo Cepedoza.
Ang bag-ong mayorya sa SP naglakip nila BM Lucille Lagunay, BM Tommy Abapo, BM Jami Aumentado-Villamor, BM Greg Jala, Senior Board Member Tita V. Baja, BM Gementiza ug BM Cepedoza.
Ang minorya mao sila BM Aldner Damalerio, BM Benjie Arcamo, BM Mimi Boniel, BM Elpidio Bonita, BM Nathaniel Binlod ug SK Prov’l Federated Pres. Christian Victor Bolos III.
Si Senior Board Member Baja maoy bag-ong Floor Leader hulip ni BM Arcamo.
Giilisan si BM Bonita pagka Committee on Health Chairman ni BM Cepedoza samtang si BM Lagunay na ang Committee on Education Chairperson.
Si Bise Gob. Balite na ang bag-ong Chairman sa Committee on Agriculture nga kanhiay naa ni BM Binlod. (Kahlil Lester O. Camba)
